Bakit kinagat ni Adan ang mansanas ni Eba?

Tanong nya 'hanggang kailan'? Ang sagot, 'hanggang kamatayan'

Hindi nila matandaan kung sino ang unang nagsabi, kung sino ang unang nagtapat, nalunod na ang alaalang yun sa dami ng pinagdaanan, nawala na lang sa isipan na parang iglap. Ang alam lang ng isa ay sya pa rin ang huling magbabanggit ng mga huling salita na yun, ang mga salita na magpapakita kung ano ang nasa saloobin nya.

Inaasam asam ng isa ang pagbalik ng mga salitang yun, galing sa kaniyang dating kabiyak. Mga salitang muling bubuhay sa mga nakaraan, mga salitang magpapabago ng kasalukuyang hirap, at mga salitang magbibigay ng kulay sa hinaharap.